ABŞ Prezidenti Donald Tramp "NBC News"-ə verdiyi müsahibəni emosional şəkildə yarımçıq dayandırıb. O, aparıcı Kristen Uelkeri "satılmış olmaqda" ittiham edib.
Tramp Kaliforniya praymerizində səslərin sayılmasının davam etdiyini vurğulayıb və yerli hakimiyyəti saxtakarlıqda günahlandırıb. Aparıcı onunla razılaşmayanda isə Tramp onu "ya satılmış, ya da ağılsız" adlandırıb.
"Bu şirkətlər sizə kömək edir. Siz bilirsiniz ki, bu seçki saxtalaşdırılıb. Siz etibarınızı itirmisiniz," deyə Tramp bildirib. O, həmçinin ABC, CBS və CNN-i tənqid edib.
"Gəlin burada bitirək, kifayətdir. Təşəkkür edirəm," deyərək mikrofonunu çıxarıb yerə atıb. Müsahibənin davam etdirilməsi xahişinə isə "ölkə dürüst media olmadan böyük ola bilməz" cavabını verib.
