ABŞ Prezidenti Donald Tramp İranda qızlar məktəbinə endirilən zərbə ilə bağlı ilkin olaraq heç kimi məsuliyyətə cəlb etməyəcəyini bildirib.
O, bu sözləri G7 sammiti çərçivəsində keçirilən mətbuat konfransında deyib. Tramp hadisənin qəsdən olmadığını və müharibədə səhvlərin baş verdiyini vurğulayıb.
Tramp təhqiqatın Pentaqon tərəfindən aparıldığını və hesabatın tezliklə təqdim ediləcəyini qeyd edib.
Xatırladaq ki, fevralın 28-də İran hökuməti Minab şəhərində qızlar üçün ibtidai məktəbə ABŞ və İsrail tərəfindən zərbə endirildiyini açıqlamışdı. Hadisədə 168-i şagird olmaqla 175 nəfər həlak olmuş, 95 nəfər yaralanmışdı.
