ABŞ Prezidenti Donald Trampın tibbi müayinəsi onun sağlamlığında heç bir problemin olmadığını göstərib. Yoxlama nəticəsində müəyyən edilib ki, o, dövlət başçısının vəzifələrini yerinə yetirməyə qadirdir.
Trampın şəxsi həkimi Şon Barbarella bu barədə Ağ Evin yayımladığı rəydə qeyd edib. Müayinə mayın 26-da Vaşinqton yaxınlığındakı Uolter Rid hərbi-tibb mərkəzində keçirilib.
Həkim vurğulayıb ki, yoxlama Trampın yaxşı fiziki vəziyyətdə olduğunu, ürək, ağciyər və sinir sisteminin normal fəaliyyət göstərdiyini təsdiqləyib. "Tramp ali baş komandan və dövlət başçısı vəzifələrinin icrasına tam uyğundur", deyə rəydə bildirilib.
Barbarella qeyd edib ki, amerikalı liderin koqnitiv və fiziki sağlamlığı yaxşı səviyyədədir. Gərgin iş qrafiki, yüksəksəviyyəli görüşlər və fiziki aktivlik onun özünü yaxşı hiss etməsinə müsbət təsir göstərir.
