ABŞ Prezidenti Donald Tramp hərbi hospitala səfərində İran əməliyyatında yaralanan hərbçilərlə görüşməyib.
“CBS News” mənbələrə istinadən xəbər verir ki, Tramp çərşənbə axşamı Uolter Rid Hərbi-Tibbi Mərkəzində illik müayinədən keçib.
O, xəstəxanada hərbçilərlə söhbət edib, lakin İrana qarşı əməliyyatda yaralanan 14 əsgəri ziyarət etməyib. Ağ Ev səfəri təsdiqləsə də, səbəb açıqlanmayıb.
Fevralın 28-də İsrail Müdafiə Naziri İsrael Katz İranın qabaqlayıcı zərbə endirdiyini bildirib. Tramp ABŞ-ın da əməliyyata qoşulduğunu açıqlayıb.
İran İsrailə ballistik raketlər atıb. İsrail hava hücumundan müdafiə sistemlərini işə salıb. Martın 1-də İran Ali Lideri Əli Xameneinin öldürüldüyü bildirilib.
İran ABŞ-ın hərbi bazalarının yerləşdiyi qonşu ölkələrə raket zərbələri endirib. Hörmüz boğazında gəmiçilik çətinləşib.
Aprelin 8-də Tramp Tehrana ultimatumun vaxtı bitməzdən əvvəl ikihəftəlik atəşkəs elan edib. İslamabadda ilk görüş keçirilib, lakin aprelin 22-nə planlaşdırılan ikinci görüş baş tutmayıb.
