ABŞ Prezidenti Donald Tramp ukraynalı həmkarı Volodimir Zelenski ilə G7 sammitində görüşə bilər. Bu barədə "Reuters" agentliyi ABŞ administrasiyasının yüksəkvəzifəli nümayəndələrinə istinadən məlumat yayıb.
Sammit iyunun 15-17-də Fransanın Evian şəhərində keçiriləcək. Görüşün işçi formatda olacağı gözlənilir.
Fransa Prezidenti Emmanuel Makron əvvəllər Zelenskinin sammitdə iştirak edəcəyini və Ukrayna münaqişəsinə həsr olunmuş sessiyada çıxış edəcəyini bildirmişdi. Lakin onun tədbirə şəxsən, yoxsa videobağlantı ilə qoşulacağı hələ dəqiqləşməyib.
