ABŞ-ın İrana mümkün hücumu fonunda Prezident Donald Trampla İsrail Baş naziri Benyamin Netanyahu arasında uzun və dramatik telefon danışığı olub.
İsrailin "Channel 12" telekanalının məlumatına görə, liderlər dünən gecə saatlarında danışıqlar aparıblar.
Daha əvvəl Tramp bildirib ki, İrana mayın 19-na planlaşdırılan hücum Qətər, Səudiyyə Ərəbistanı və BƏƏ-nin xahişi ilə təxirə salınıb.
ABŞ lideri İrana 2-3 gün vaxt verib; bu müddətin gələn həftəyə qədər uzadılması istisna olunmur.
Fevralın 28-də İsrailin müdafiə naziri İsrael Kats İsrail Müdafiə Qüvvələrinin İrana qabaqlayıcı zərbə endirdiyini açıqlayıb. Tramp da ABŞ-ın hərbi əməliyyatda iştirak etdiyini təsdiqləyib.
İran cavab olaraq İsrailə onlarla ballistik raket atıb. İsrail hava hücumundan müdafiə sistemlərini işə salıb.
Martın 1-də İranın Ali Lideri Əli Xameneinin öldürüldüyü elan olunub. İran ABŞ bazalarının yerləşdiyi qonşu ölkələrə raket zərbələri endirib; hava məkanı müvəqqəti bağlanıb.
Hörmüz boğazında gəmiçilikdə problemlər yaranıb. Aprelin 8-də Tramp Tehrana ultimatumun vaxtı bitməzdən saatlar əvvəl iki həftəlik atəşkəs elan edib. Daha sonra İslamabadda görüş keçirilib; aprelin 22-də nəzərdə tutulan ikinci görüş isə baş tutmayıb.
