Türkiyə NATO-ya yeni boru kəməri layihəsi təklif edib. Dəyəri 1.2 milyard dollar olan bu layihə Alyansın Şərq qanadındakı tərəfdaşlarına hərbi yanacaq çatdırılmasını nəzərdə tutur.
Milli Müdafiə Nazirliyi layihənin cari alternativlərlə müqayisədə beşqat daha effektiv olduğunu və qısa müddətdə həyata keçirilə biləcəyini qeyd edib.
Boru kəməri NATO-nun yanacaq təminatını gücləndirəcək və dəniz marşrutlarından asılılığı azaldacaq.
Bundan başqa, Almaniya tərəfindən verilən Patriot hava hücumundan müdafiə sistemləri iyun ayında quraşdırılacaq və altı ay aktiv qalacaq.
Nazirlik EFES-2026 təlimlərində Suriya və Liviya qüvvələrinin də iştirak etdiyini, Ankaranın vahid Liviya və Suriyanın bərpasını dəstəklədiyini bildirib.
Qəzza zolağına humanitar yardım daşıyan gəmilərin İsrail tərəfindən mühasirəyə alınmasını piratlıq kimi qiymətləndirən nazirlik saxlanılanların dərhal azad edilməsini tələb edib.
