Ukrayna beynəlxalq haker qruplaşmasından müsadirə edilən kriptovalyuta aktivlərinə nəzarəti ələ keçirib.
Ukrayna baş prokuroru Ruslan Kravçenkonun mətbuat xidməti Telegram-da bildirib ki, Aktivlərin Axtarışı və Menecmenti Agentliyinin kriptovalyuta cüzdanına 8.3 milyondan çox USDT köçürülüb.
Bu, 372 milyon qrivendən çoxdur. Qeyd olunur ki, ilk dəfədir ki, həbs qoyulmuş kriptovalyuta aktivləri faktiki olaraq dövlətin idarəçiliyinə verilir.
Vəsaitlər Avropa ölkələri və ABŞ-də kiberhücumlar həyata keçirən beynəlxalq haker qruplaşmasından müsadirə edilib.
