Venesuelada baş verən dağıdıcı zəlzələdən sonra üç yaşlı oğlan uşağı möcüzə nəticəsində binanın dağıntıları altında altı gün sağ qalıb.
Oxu.Az xəbər verir ki, bu barədə Venesuela prezidentinin səlahiyyətlərini icra edən Delsi Rodriges Telegram kanalında paylaşım edib.
İyunun 30-da səhər saatlarında La-Quayra ştatında yerləşən Los Korales Qarden yaşayış binasının dağıntıları altında altı gün qalmış üç yaşlı Kliber Moran sağ çıxarılıb.
Uşağı İordaniyadan Venesuelaya yardım üçün gəlmiş xilasedicilər aşkar ediblər. O, dərhal xəstəxanaya çatdırılıb. Həkimlər altı gün ərzində aclıq və susuz qalmasının yaratdığı fəsadları aradan qaldırmağa çalışır.
Zəlzələ iyunun 24-ü axşam saatlarında baş verib. Təxminən 40 saniyə fərqlə maqnitudası 7.2 və 7.5 olan iki yeraltı təkan qeydə alınıb. Episentrlər Yarakuy ştatında bir-birindən təxminən 10 km məsafədə yerləşib.
Bölgədə 214 afterşok qeydə alınıb. Bu zəlzələ 1900-cü ildən bəri Venesuelada baş vermiş ən güclü zəlzələlərdən biridir.
