Venesuelanın Marakaybo gölündə yerləşən qaz emalı zavodunda yanğın baş verib. Hadisə zamanı 6 işçi yaralanıb.
"Reuters" agentliyinin məlumatına görə, yanğın "Lamarqas" kompressor stansiyasında qaz təzyiqinin azaldılması prosesi zamanı başlayıb. İki işçi ağır yanıq xəsarətləri alıb və xəstəxanaya yerləşdirilib.
Yanğın nəticəsində daha dörd nəfər yüngül xəsarətlərlə qurtulub. Zavod Çinin "China Concord Resources Corp" şirkəti tərəfindən idarə olunan "Lago Cinco" layihəsinin bir hissəsidir.
