ABŞ vitse-prezidenti Cey. Di. Vens, İsveçrədə keçirilən ABŞ-İran danışıqlarının nəticələri ilə bağlı açıqlama verib.
Vens bildirib ki, tərəflər çox məhsuldar 36 saat keçiriblər. Diplomatik fəaliyyət davam edəcək.
"Texniki danışıqlarda irəliləyiş əldə edirik. Bu məsələ üzərində işləməyə davam etməliyik", - deyə o vurğulayıb.
Xatırladaq ki, Vens daha əvvəl İranın BAEA müfəttişlərini ölkəyə buraxacağını bildirmişdi.
Danışıqlar iyunun 21-də Bürgenştokda keçirilib. ABŞ nümayəndə heyətinə Vens, Stiv Uitkoff və Cared Kuşner rəhbərlik edib. İran tərəfini parlament sədri Qalibaf və xarici işlər naziri Əraqçı təmsil edib.
