ABŞ vitse-prezidenti Cey Di Vens özünü məşhur "Evdə tək" filminin qəhrəmanı Makoley Kalkinə bənzədib.
Oxu.Az "RİA Novosti"yə istinadən xəbər verir ki, Vens jurnalistlərə açıqlamasında bu müqayisəni edib.
O, ABŞ Prezidenti Donald Trampın Çinə səfəri zamanı ölkədə tək qaldığını vurğulayıb.
"Məxfi Xidmətin qaydalarına əsasən, mən prezidentlə eyni vaxtda ölkə xaricinə çıxa bilmərəm. Buna görə də belə günlərdə bəzən özümü 'Evdə tək' filmindəki Makoley Kalkin kimi hiss edirəm. Ağ Evə daxil oluram, hər yer çox sakit olur, heç kim görünmür və nə baş verdiyini anlamağım bir an çəkir", - deyə o qeyd edib.
