WUF13 çərçivəsində bütün iştirakçılar üçün inklüzivliyi və bərabər imkanları təmin etmək məqsədilə operativ dəstək xidmətləri kompleksi həyata keçiriləcək.
Oxu.Az xəbər verir ki, bu barədə WUF13 Azərbaycan Əməliyyat Şirkəti "X" hesabında paylaşım edib.
A Zonasında xüsusi məntəqədə əlil arabalarının ilkin texniki yoxlanışı və dəstək xidmətləri təklif ediləcək. Elektrikli arabalarla hərəkət edən iştirakçılara isə portativ enerji stansiyaları veriləcək.
Məlumat mərkəzində gözlə görünməyən əlilliyi olan şəxslərə könüllülük prinsipi ilə xüsusi təyinatlı qolbaqlar təqdim olunacaq. S Zonasında xidməti və bələdçi itlərin müayinəsi, həmçinin ilk tibbi yardım üçün ayrıca otaq fəaliyyət göstərəcək.
