Yaponiya Miqrasiya Xidməti gələn ildən sosial şəbəkələrdə monitorinq aparacaq xüsusi bölmə yaradır.
Yeni bölmə qanunsuz işləyən və vizası bitənləri izləyəcək. Bu qərar xarici işçi qüvvəsinin artması fonunda qəbul edilib.
Hakimiyyət xüsusilə etibarlı vizası olmayan əcnəbiləri işə götürənlərlə mübarizəyə diqqət yetirəcək.
Onlayn mühitdə analitik alətlərlə qanunsuz əmək fəaliyyəti aşkarlanacaq. Xarici dillərdə iş elanları da izlənəcək.
İbaraki prefekturası qanunsuz miqrant işə götürən şirkətlər barədə məlumat verənlərə mükafat təklif edir. Hər məlumat üçün 10 min yen (63 dollar) verilir.
2025-ci ildə Yaponiyada qanuni xarici işçi sayı 2.57 milyona çatıb, 11.7% artım var.
