Yaponiyanın Utsunomiya şəhərində üç gündür küçələrdə dolaşan ayı 94 məktəbin bağlanmasına səbəb olub.
Yerli hökumət yırtıcının ticarət mərkəzlərində də görünməsindən sonra bu qərarı verib.
Tokionun şimalındakı şəhərdə ayının peyda olması ilə bağlı 10-dan çox müraciət daxil olub. Axtarışlara ovçular, polis və rəsmilər cəlb edilib.
Şəhər rəsmiləri əhalini xəbərdar etmək üçün xüsusi texnikalardan istifadə edir. Sakinlərə evdə qalmaq tövsiyə olunur. Bir və ya bir neçə ayının olması hələ bəlli deyil.
Yaponiyada son illər ayı hücumları artıb. Ötən il 13 nəfər həyatını itirib. Səbəb ayıların ac halda qida axtarışına çıxmasıdır.
