Yaponiyada iki ABŞ vətəndaşı məşhur "Panç" meymununun volyerinə icazəsiz daxil olduqları üçün cərimələnib.
Oxu.Az "Yomiuri" qəzetinə istinadən xəbər verir ki, Tiba prokurorluğu hər bir amerikalını 300 000 yen (təxminən 1 900 dollar) cərimələyib.
Səbəb volyerə qanunsuz girişlə zooparkın fəaliyyətinə ziyan vurulmasıdır.
Hadisə may ayında İtikava zooparkında baş verib. Saxlanılanlar 24 yaşlı tələbə və 27 yaşlı şirkət rəhbəri olub.
Məlumata görə, tələbə maskot kostyumu geyinib, maska taxaraq volyerə daxil olub, yoldaşı isə videoya çəkib.
Qeyd edək ki, "Panç" adlı yapon makakası sosial şəbəkələrdə viral olaraq dünyada tanınıb. Anası tərəfindən tərk edilən meymuna oranqutan oyuncağı verilmişdi.
