Yaponiyanın Fukuşima şəhərində bir ayı zavod ərazisinə girərək eyni anda dörd nəfərə hücum edib. Daha sonra heyvan qaçıb.
Hadisə səhər saatlarında metallurgiya zavodunda baş verib. Ayı ilk olaraq iki işçiyə, daha sonra bir qadına evində, başqa bir şəxsə isə ofis binasında hücum edib.
Yaralılar xəstəxanaya aparılıb. Həkimlər onların həyati təhlükəsinin olmadığını bildiriblər.
Polis, ayının hələ də şəhər ətrafında olduğunu ehtimal edir. Təhlükə səbəbindən məktəblərdə dərslər ləğv edilib. Sakinlərə ehtiyatlı olmaq və tək gəzməkdən çəkinmək tövsiyə olunur.
