Yaponiyanın vizit kartına çevrilmiş kiçik formatlı gündəlik tələbat mağazaları (kombini) sənayesinin qurucusu Tosifumi Suzuki 94 yaşında vəfat edib.
Oxu.Az xəbər verir ki, məlumatı NHK telekanalı yayıb.
1970-ci illərdə ABŞ-nin "7-Eleven" şəbəkəsinin lisenziyasını əldə edən "Ito Yokado" şirkətinin rəhbəri Suzukinin təşəbbüsü ilə Yaponiyada ilk kombini fəaliyyətə başlayıb.
Yaponiyada qida, içki, geyim və dəftərxana ləvazimatları kimi geniş çeşiddə məhsullar təklif edən obyektlər məhz belə adlanır.
Suzuki Yaponiyanın xaricdə ən tanınan simvollarından birinə çevrilən kombini sektorunun banisi sayılır. "7-Eleven" hazırda Yaponiyada 21 mindən çox mağazaya sahibdir. Rəqiblərin isə əlavə 30 minə yaxın satış nöqtəsi var.
