İsrail və Livan nümayəndələri atəşkəs rejiminin daha 45 gün müddətinə uzadılması barədə razılığa gəliblər.
Oxu.Az xəbər verir ki, bu barədə ABŞ Dövlət Departamentinin rəsmisi Tommi Piqott "X" sosial şəbəkəsində paylaşım edib.
Onun sözlərinə görə, tərəflər bu qərarı mayın 14-15-də ABŞ-də keçirilən danışıqlar zamanı qəbul ediblər.
Tommi Piqott bildirib ki, Dövlət Departamenti iki ölkə arasında növbəti danışıqlar mərhələsini iyunun 2-si və 3-də təşkil edəcək.
O həmçinin mayın 29-da Pentaqonda İsrail və Livanın hərbi nümayəndə heyətlərinin iştirakı ilə təhlükəsizlik məsələlərinə dair görüşlərin keçiriləcəyini açıqlayıb.
"Ümid edirik ki, bu müzakirələr iki ölkə arasında davamlı sülhün bərqərar olmasına, qarşılıqlı şəkildə suverenlik və ərazi bütövlüyünün tanınmasına, eləcə də ümumi sərhəd boyunca real təhlükəsizliyin təmin edilməsinə kömək edəcək", - deyə Tommi Piqott vurğulayıb.
