Sosial şəbəkələrdə "Yəmənli hörümçək-adam" ləqəbi ilə tanınan Antar əl-Absi Yəmənin cənubunda yerləşən Damt vulkanının kraterinə yıxılaraq həyatını itirib.
Oxu.Az xəbər verir ki, bu barədə israelinfo.co.il məlumat yayıb. Bildirilir ki, 30 yaşlı bloqerin cəsədi xilasedicilər tərəfindən kraterdən çıxarılıb.
Məlumata görə, o, sosial şəbəkələrdə qoruyucu vasitələrdən istifadə etmədən qayalara dırmaşması və vulkan kraterlərinə enməsi ilə məşhur idi. Hadisə zamanı da o, kraterin daxili divarı ilə qalxarkən sürüşüb və onlarla metr hündürlükdən aşağı düşüb.
Şahidlərin sözlərinə görə, o, kraterin dibində yığılan isti mineral suya düşüb.
