ABŞ-nin Yuta ştatında meşə yanğınları altıncı gündür davam edir. Alov hələ də nəzarət altına alınmayıb.
Oxu.Az xəbər verir ki, bu barədə "AP News" məlumat yayıb. Fəlakət bölgəsində 1000-dən artıq yanğınsöndürən mübarizə aparır.
Yanğın bazar ertəsi Kottonvud şəhəri yaxınlığında başlayıb və 29 min hektarı əhatə edir. İsti hava və güclü külək alovun yayılmasını sürətləndirir.
Ərazidə təxliyə elan olunub. Yanğına insan amilinin səbəb olduğu bildirilir. Rəsmilər bunun Yuta ştatı tarixində ən böyük meşə yanğını ola biləcəyini qeyd edir.
