Yuxu çatışmazlığı ürəyi yağlı qidalardan daha sürətli məhv edir. Rusiyalı kardioloq Elvira Xaçirova xroniki yuxu çatışmazlığı və yuxu apnoesinin ürək-damar sistemi üçün zərərli qidalanmadan daha təhlükəli olduğunu bildirib.
Mütəxəssis pis xolesterin, kərə yağı və donuz piyinin ürəyə zərəri haqqında mifi təkzib edib: "Bu, köhnəlmiş yanaşmadır. Gənc pasiyentləri yuxusuzluq və tənəffüs problemlərinə görə itiririk. Yağlı yeməklərdən uzaq duran, lakin həftədə 60 saat işləyən arıq insanlarda infarkt riski daha yüksəkdir".
Apnoe zamanı insan 10-60 saniyə nəfəs ala bilmir. Qanda oksigen səviyyəsi 60-70%-ə düşür, adrenalin və kortizol ifraz olunur, ürək döyüntüsü sürətlənir, təzyiq yüksəlir. Bu hal gecə ərzində dəfələrlə təkrarlanır, ürək 200-400 "mikroinfarkt" vəziyyəti yaşayır.
Apnoedən əziyyət çəkənlərdə hipertoniya riski 4 dəfə yüksəkdir. Xroniki yuxusuzluq infarkt riskini 45% artırır, ağır apnoedə yuxuda qəfil ölüm ehtimalı 3 dəfə yüksəkdir. Mütəxəssis diaqnoz təsdiqləndikdə həkimə müraciət etməyi tövsiyə edir.
