Xalq artisti Akif İslamzadənin müalicəsi davam edir. Mərkəzi Gömrük Hospitalının həkimi Tural Sadıqov Oxu.Az-a bildirib ki, xəstənin səhhəti stabildir və müsbət dinamika var. Evə buraxılması planlaşdırılır.
Oxu.Az Akif İslamzadə ilə əlaqə yaratmağa çalışıb. Jurnalistin zənginə cavab verən sənətçi "Nə edək? Çırtma çalıb oynayaq?" deyərək sərt reaksiya göstərib. O, "Necəsiniz?" sualına "Çox sağ olun, zəhmət çəkib zəng etmisiniz" deyib və telefonu qapayıb.
77 yaşlı Xalq artisti infarkt keçirdiyi üçün xəstəxanaya yerləşdirilib və Kardiologiya şöbəsində müalicə alır.
