Azərbaycanın Milli Qəhrəmanı Natiq Qasımova həsr olunmuş süni intellektlə hazırlanmış "Düşmənə qarşı tək" qısametrajlı filmin təqdimatı keçirilib.
"Bakı Media Mərkəzi"nin dəstəyi ilə Nizami Kino Mərkəzində baş tutan mərasimdə dövlət və hökumət rəsmiləri, şəhid ailələri, qazilər, ziyalılar və media nümayəndələri iştirak ediblər.
"Soy Production"un rəhbəri Dilarə Əliyeva bildirib ki, bu, şirkətin üçüncü süni intellekt filmidir. Məqsəd N.Qasımovun həyat yolunu və qəhrəmanlığını çatdırmaqdır.
O, N.Qasımovun vaxtilə Mingəçevir kinoteatrında kinomexanik işlədiyini və kinoya maraq göstərdiyini qeyd edib.
Süni intellekt üzrə mütəxəssis Sarvan Hüseyn bildirib ki, filmdəki hadisələr real faktlara əsaslanır və Xocalı faciəsi zamanı baş verənləri əks etdirir.
Filmin redaktoru Fariz Əliyev süni intellektin kinoda yeni imkanlar yaratdığını vurğulayıb.
N.Qasımovun qardaşı Nofəl Qasımlı qəhrəmanla bağlı xatirələrini bölüşüb.
Sonda film nümayiş olunub.
