Xalq artisti Flora Kərimovanın son durumu açıqlanıb. Onun rəsmi bioqrafı və köməkçisi Əli Davud Oxu.Az-a bildirib ki, müalicə prosesi davam edir.
“Ciddi bir şey yoxdur. Flora xanımın nə vaxt xəstəxanadan evə buraxılacağı bilinmir. Təzyiq problemi olduğu üçün tələsmirik. O, illər əvvəl mikroinsult keçirib, ürək və qan-damar problemləri var. 85 yaşı olacaq, övladı və nəvəsi yanındadır. Tam sağalması üçün tibbi tədbirlər görülür”, - deyə o qeyd edib.
Heydər Əliyev Fondunun prezidenti Mehriban Əliyeva onun müalicəsini nəzarətə götürüb. Prezident köməkçisi Anar Ələkbərov da baş çəkib.
