5-7 iyun tarixlərində Türkmənistanda Azərbaycan Mədəniyyəti Günləri keçirilir. Tədbir "Tağıyev: Neft" filminin nümayişi ilə start götürüb.
Azərbaycan nümayəndə heyətinə mədəniyyət naziri Adil Kərimli rəhbərlik edir. Səfər çərçivəsində mədəniyyət, elm və incəsənət xadimləri qardaş ölkədə olacaq.
Açılış "Aşqabad" kinoteatrında baş tutub. Tədbirdə hər iki ölkənin mədəniyyət rəsmiləri iştirak edib.
Filmin süjeti Hacı Zeynalabdin Tağıyevin həyatından bəhs edir. O, Azərbaycanın milli sərvət sayılan xeyriyyəçisidir.
