Birinci Qarabağ müharibəsində şəhid olan və 32 ildir itkin düşən Rəşadət Piriyevin nəşi tapılıb.
Dövlət qurumlarının apardığı genişmiqyaslı araşdırma, ekshumasiya və DNT analizi nəticəsində şəxsiyyəti dəqiqləşib.
Nəşin qalıqları yaxın günlərdə ailəsinə təhvil veriləcək. Rəşadət Piriyev 22 mayda Bərdə rayonunun Yeni Daşkənd kəndində dəfn olunacaq.
Rəşadət Piriyev 1 oktyabr 1973-cü ildə Bərdədə anadan olub. Kəlbəcər, Laçın, Ağdam, Ağdərə uğrunda döyüşlərdə rabitəçi operator və hərbi texnikanın zərərsizləşdirilməsi üzrə əməliyyatçı kimi iştirak edib.
11 fevral 1994-cü ildə Kəlbəcərin Yanşaq kəndi uğrunda döyüşdə şəhid olub.
