Azərbaycan Ordusunda silah, döyüş və xüsusi texnikalar yaz-yay mövsümü istismar rejiminə keçirilib. Bu, 2026-cı ilin hazırlıq planına uyğun olaraq həyata keçirilib.
Müdafiə Nazirliyinin məlumatına görə, şəxsi heyətə texnikanın mövsümə uyğun istismarı və texniki qulluq qaydaları öyrədilib. Təhlükəsizlik tədbirləri üzrə tələblər də çatdırılıb.
Hərbi hissələr mərkəzləşdirilmiş qaydada zəruri ehtiyat hissələri və avadanlıqlarla tam təmin edilib. Texniki xidmət məntəqələrində elektrik sistemləri yoxlanılıb və iqlimə uyğun yanacaq-sürtkü materialları dəyişdirilib.
Bütün tədbirlər planlı şəkildə başa çatdırılıb.
