Şotlandiyada 177 kiloqram ağırlığında olan kişi tərəziyə çıxaraq çəkisini gördükdən sonra xəstəxanaya düşüb.
Oxu.Az xəbər verir ki, bu barədə "Daily Record" məlumat yayıb. Qlazqo şəhər sakini Con Makdonald həkimin xəbərdarlığına baxmayaraq 107 kq arıqlayıb və 30 illik yubileyini qeyd edib. 20 yaşında çəkisi 120 kq ikən prediabet, yuxu apnoesi və yüksək qan təzyiqi var idi.
"Arıqlamasam, 30 yaşıma qədər yaşamayacağımı eşidəndə anladım ki, bu həyəcan siqnalıdır", - deyə Con bildirib.
Dəyişiklik yolu şokla başlayıb. İlk çəki ölçümündə tərəzi 177 kq göstərib və şotlandiyalıda güclü təşviş yaranıb. O, xəstəxanaya aparılıb və məlum olub ki, səbəb aclıq fonunda şiddətlənən stressdir. Con qidalanma planını dəyişib, sıfırdan yemək bişirməyi öyrənib, şirin qazlı suları aşağı kalorili içkilərlə əvəz edib və gündəlik yemək sifarişlərindən imtina edib.
Nəticədə Makdonaldın çəkisi 70 kiloqrama düşüb. Apnoe və hipertoniya yoxa çıxıb. Əvvəllər 15 dəqiqə çəkən mağazaya piyada getmək indi ona zövq verir. "Düşünürsünüzsə, sadəcə başlayın. Bu, mənim həyatımı dəyişdiyi kimi, sizin də həyatınızı dəyişə bilər", - deyə Con yekunlaşdırıb.
