Venesuela lideri Nikolas Maduronun yaxın adamlarından sayılan kolumbiyaəsilli dövlət məmuru Aleks Saab, saxlanıldıqdan bir neçə ay sonra ABŞ-yə deportasiya edilib.
Oxu.Az-ın məlumatına görə, bu barədə Venesuela Miqrasiya Agentliyi "X" sosial şəbəkəsində açıqlama yayıb.
Açıqlamada qeyd olunub ki, deportasiya qərarı Saabın ABŞ-da müxtəlif cinayətlər törətməkdə iştirakı nəzərə alınaraq verilib. "Bu fakt hamıya məlumdur, aşkardır və KİV-də geniş işıqlandırılıb."
"Reuters" agentliyinin məlumatına əsasən, ABŞ hüquq-mühafizə orqanlarının nümayəndəsi Saabın fevral ayında Karakasda keçirilən birgə əməliyyat zamanı saxlanıldığını bildirib.
