Cəlilabad Rayon İcra Hakimiyyəti şəhid ailələrinə Qurban bayramı üçün ət payı göndərib. Sosial şəbəkələrdə yayılan videolarda iddia olunur ki, paylar köhnə olduğundan yararsızdır.
Vətəndaşlar bildirib ki, ət göyərmiş, qurdlanmış və kəskin qoxu verib. Rəsmi açıqlamada deyilir ki, isti hava və məsuliyyətsizlik səbəbindən bəzi paylar korlanıb, lakin problem həll olunub.
Qurumdan bildirilib: "1800 ailəyə qurban payı göndərilib. Qəssab və nümayəndənin səhvi üzündən bir neçə pay keyfiyyətini itirib. Onlar yeniləri ilə əvəz olunub."
