Xırdalanda restoranda müştərini bıçaqlamaqda təqsirləndirilən Sakit Məmmədov 7 il 6 ay müddətinə azadlıqdan məhrum edilib.
Sumqayıt Ağır Cinayətlər Məhkəməsində keçirilən son iclasda hökm oxunub. Hadisə Abşeron rayonunun Xırdalan şəhərindəki "Bakı gecələri" restoranında baş verib.
Sakit dostları ilə restorana gəlib, pivə içib. Gecə saat 00:00-da restoranın bağlandığı elan edilib. Sərxoş Toğrul Babayev musiqi sifariş edərək etiraz edib.
Münaqişə zamanı Toğrul pivə bakalını Sakitə atıb. Sakit isə bıçaqla Toğrula kürək nahiyəsindən 3 zərbə endirib.
Polis Sakit saxlayaraq istintağa təhvil verib. Məhkəmə onu 7 il 6 ay həbs cəzasına məhkum edib.
