"Real Madrid"in ulduzu Arda Gülerin vurduğu qol İspaniya La Liqasında mövsümün ən gözəl qolu seçilib.
Oxu.Az xəbər verir ki, bu qərar La Liqanın rəsmi saytı tərəfindən açıqlanıb.
21 yaşlı türkiyəli futbolçu 28-ci turda "Elçe"yə qarşı oyundakı məşhur qolu ilə bu mükafata layiq görülüb.
Martın 14-də "Real Madrid" "Elçe"ni 4:1 məğlub edib. Güler 89-cu dəqiqədə öz meydanının yarısından vurduğu qolla matçın son nöqtəsini qoyub.
Top qapıçının üzərindən keçərək torlara daxil olub.
