Azərbaycan milli komandasının baş məşqçisi Ayxan Abbasov San-Marino ilə yoldaşlıq oyunundan (2:1) sonra press-konfransda danışıb.
O, əsas problemin qol vəziyyətlərindən lazımi səviyyədə yararlana bilməmək olduğunu vurğulayıb.
Abbasov bildirib ki, bütün oyunçuları meydanda görmək üçün heyətdə dəyişikliklər edib.
“Futbolçulara təşəkkür edirəm. Malta ilə məğlubiyyətdən sonra qalib gəlmək istəyirdik. Millətlər Liqası öncəsi son toplanışımız olduğundan, hamını sınamaq istədik. Məşq və oyun fərqlidir, ona görə dəyişikliklər etdik. Yenə də əsas problem qol vəziyyətlərindən yararlana bilməmək oldu. Oyun tempi normal idi, ardıcıl hücumlar qurduq. Qələbə qazandığımız üçün sevinirik”, - deyə o əlavə edib.
