İspaniyada keçirilən yeniyetmələr arasında cüdo üzrə Avropa çempionatının fərdi yarışlarında Azərbaycan millisi 10 medalla başa vurub.
Oxu.Az xəbər verir ki, bu barədə Azərbaycan Cüdo Federasiyası məlumat yayıb. Üçüncü yarış günündə daha üç cüdoçumuz fəxri kürsüdə yer alıb.
Ömər Axundov (90 kq) finalda Litva idmançısı Tayus Babayçenkoya məğlub olaraq gümüş medal qazanıb. 81 kq çəki dərəcəsində Ayxan Həsənli və Yaqub Məmmədov bürünc medalla kifayətləniblər.
Əvvəlki günlərdə Zəhra Quliyeva (40 kq) və Nihad Ağayev (50 kq) qızıl, Fərid Rzazadə (50 kq) və Sadiq Məmmədov (73 kq) gümüş, İbrahim Talıbov (55 kq), Könül Eyvazlı (48 kq) və İlkin Qarayev (66 kq) isə bürünc medal qazanıblar.
Qeyd edək ki, sabah turnirin son günündə qarışıq komanda yarışı keçiriləcək. Azərbaycan millisi 1/8 finalda Çexiya yığması ilə qarşılaşacaq.
