Braziliya milli komandasının 1970-ci il dünya çempionu, məşhur müdafiəçi Brito 86 yaşında dünyasını dəyişib.
FIFA-nın rəsmi saytına istinadən xəbər verilir ki, Brito sətəlcəm xəstəliyindən yaranan fəsadlar səbəbindən bir həftə xəstəxanada müalicə aldıqdan sonra vəfat edib.
Milli komandada 1964-cü ildə debüt edən futbolçu, 1966-cı ildə Portuqaliyaya qarşı dünya çempionatı matçında iştirak edib. Onun ən böyük uğuru 1970-ci ildə Meksikada keçirilən dünya çempionatında qazanılan tituldur.
Brito, Mario Zaqallonun rəhbərliyi altında çempion olan komandada vəfat edən yeddinci oyunçu oldu. Daha əvvəl Everaldo (1974), Fontana (1980), Feliks (2012), Joel Kamarqo (2014), Karlos Alberto (2016) və Pele (2022) dünyalarını dəyişiblər.
