“Mançester Yunayted”in ulduzu Brunu Fernandeş İngiltərə Premyer Liqasında (İPL) mövsümün ən yaxşı oyunçusu seçildi.
İPL-in rəsmi saytı bu barədə məlumat yayıb. Portuqaliyalı yarımmüdafiəçi bu mövsüm 8 qol vurub və 20 məhsuldar ötürmə edib.
Asistlərin sayına görə Fernandeş Kevin De Bruyne (2019/20) və Tyerri Anri (2002/03) kimi əfsanələrin rekordunu təkrarlayıb. “Mançester Yunayted”in daha bir oyunu qalıb, ona görə də bu göstərici arta bilər.
Mükafata namizədlər arasında Erlinq Holand, Antuan Semenyo, Qabriel Maqalhaes, David Raya, Deklan Rays, Morqan Gibbs-Uayt və İqor Tiaqo da var idi.
Fernandeş 2010/11 mövsümündə Nemanya Vidiçdən sonra bu mükafatı qazanan ilk “Mançester Yunayted” oyunçusu oldu.
