AFFA Intizam Komitəsi "Sabah"ın futbolçusu Coy-Lens Mikelsi bir oyun şərti olmaqla iki matç cəzalandırıb, komandasını 3 000 manat cərimə edib.
Almaniyalı oyunçu Misli Premyer Liqasının 33-cü turunda "Neftçi"yə qarşı oyunda rəqibə aqressiv top atdığı üçün birbaşa qırmızı vərəqə alaraq diskvalifikasiya edilib. Onun sınaq müddəti 6 ay müəyyənləşib.
Həmin oyunda "Neftçi"nin yarımmüdafiəçisi Emil Səfərov ikinci sarıdan qırmızı vərəqə alaraq bir oyunluq cəzalanıb, komandası 500 manat cərimələnib.
"Şamaxı" - "Turan Tovuz" oyununda qərb təmsilçisinin 5 futbolçusu sarı vərəqə aldığı üçün 700 manat cərimə edilib.
