UFC prezidenti Dana Uayt "UFC Fight Night Baku" turniri üçün azarkeşlərə çağırış edib.
Oxu.Az xəbər verir ki, bu barədə Bakı Şəhər Halqası Əməliyyat Şirkətindən məlumat verilib.
Qurum rəhbəri azarkeşləri iyunun 27-də Milli Gimnastika Arenasında təşkil olunacaq döyüşləri izləməyə çağırıb.
"Hər kəsə salam! UFC bu dəfə Milli Gimnastika arenasında! Biz yenə Azərbaycandayıq! Həmişə azarkeşlərə deyirəm, Bakı elə gözəldir ki, mütləq görməyə dəyər!" - deyə o bildirib.
Xatırladaq ki, gecənin əsas döyüşündə təmsilçimiz Rafael Fiziev yüngül çəki dərəcəsində Manuel Torreslə (Meksika) qarşılaşacaq.
İkinci əsas döyüşdə isə orta çəkidə Şarabutdin Maqomedov (Rusiya) braziliyalı Mişel Pereyra ilə üz-üzə gələcək.
