Əlcəzair millisi ("Les Fennecs" - səhra tülküləri) Afrika futbolunun ən texniki və taktiki cəhətdən intizamlı komandalarındandır.
2014-cü ildən bəri ilk dəfə dünya səhnəsinə çıxan Əlcəzair, DÇ-2026-da diqqət mərkəzində olacaq. Həmin il 1/8 finala yüksələrək Almaniyaya ciddi müqavimət göstərmişdilər.
Vladimir Petkoviçin yetirmələri 48 komandalı turnirə inamla yollanır. Oxu.Az Əlcəzair futbolunun keçmişinə, bu gününə və 2026-cı il gözləntilərinə nəzər salır.
Petkoviç 2024-cü ilin fevralında komandanın sükanı arxasına keçib. O, İsveçrə, Türkiyə və İtaliyada təcrübə qazanmışdı. İsveçrə millisini UEFA Millətlər Liqasının finalına, DÇ-2018-in 1/8 finalına, AVRO-2020-nin 1/4 finalına daşımışdı.
Petkoviç Afrika Millətlər Kuboku 2025-ə, daha sonra isə DÇ-2026-ya vəsiqə qazandırdı.
İlk dünya çempionatı
Əlcəzair debütünü 1982-ci ildə İspaniyada etdi. Qərbi Almaniyanı məğlub edərək sensasiya yaratdı, lakin qrupdan çıxa bilmədi.
Son dünya çempionatı
2014-cü ildə Braziliyada tarixlərində ilk dəfə qrup mərhələsini adladılar. Cənubi Koreyanı 4:2, Rusiya ilə 1:1 hesabı ilə keçərək 1/8 finala çıxdılar. Almaniyaya əlavə vaxtda 1:2 uduzdular.
Seçmə mərhələ
Əlcəzair Somali 3:0 hesabı ilə məğlub edərək DÇ-2026-ya vəsiqə qazandı. Məhəmməd Amura 10 qolla ən çox qol vuran futbolçu oldu.
Oyun cədvəli
17 iyun: Argentina - Əlcəzair; 23 iyun: İordaniya - Əlcəzair; 28 iyun: Əlcəzair - Avstriya.
Məhsuldar oyunçular
Üç futbolçu iki qol vurub: Salah Əsəd, Əbdülmömin Cabu, İslam Slimani. Slimani seçmə mərhələdə 18 qol vurub.
Ən çox oyun keçirənlər
Rafiq Halliş yeddi matçın hamısında meydanda olub, kapitanlıq edib.
Unudulmaz anlar
Əlcəzair Almaniyanı məğlub edən ilk Afrika ölkəsi oldu. 1982-də iki qələbə qazanan ilk Afrika komandası oldu, lakin qrupdan çıxa bilmədi.
Əlcəzair Argentinadan xal qopararaq turnirin sürprizini edə bilər.
