Məşhur fransalı futbolçu Olivye Jiru karyerasını Türkiyədə davam etdirə bilər.
Oxu.Az xəbər verir ki, bu barədə "Ajansspor" məlumat yayıb.
Məlumata görə, 39 yaşlı dünya ulduzu ilə "Bursaspor" klubu yaxından maraqlanır.
İddia olunur ki, artıq Türkiyə klubunun nümayəndələri təcrübəli hücumçu ilə danışıqlar aparıblar. "Bursaspor"un fransalı forvardla birillik müqavilə bağlamaq istədiyi vurğulanır.
Mövsümün sonunda "Lill"lə müqaviləsi başa çatacaq futbolçu Türkiyə təmsilçisinə azad agent statusu ilə transfer oluna bilər.
Qeyd edək ki, Türkiyənin sayca II liqasına vəsiqə qazanan "Bursaspor" yenidən elitaya qayıtmaq üçün səs-küylü transferlər həyata keçirmək istəyir. Türkiyə təmsilçisinin "Neftçi"nin kamerunlu futbolçusu Vensan Abubakarla da yaxından maraqlandığı barədə məlumatlar yayılıb.
