Danimarka millisinin ulduz yarımmüdafiəçisi Kristian Eriksen, Ukrayna ilə yoldaşlıq matçında huşunu itirib.
Hadisə Odensedəki "EWII Park" stadionunda, ikinci hissədə baş verib. Futbolçu yıxıldıqdan sonra uzun müddət tibbi yardım alıb.
Matç 75-ci dəqiqədə, 2:1 Danimarkanın xeyrinə ikən dayandırılıb və davam etdirilməyib.
Danimarka mətbuat xidməti açıqlayıb: "Kristian Eriksen özünü yaxşı hiss edir, matç ləğv olunub."
Eriksen 2021-ci ildə Avro-2020-də də huşunu itirmişdi. Ona ürək defibrilyatoru implantasiya edilmişdi.
34 yaşlı futbolçu hazırda "Volfsburq"da oynayır. O, "Ayaks", "Tottenhem", "İnter", "Brentford" və "Mançester Yunayted"də də çıxış edib.
