“Döyüşün yaxşı keçəcəyinə inanıram”, – deyə UFC döyüşçüsü Fərman Həsənov bildirib.
Oxu.Az xəbər verir ki, o, “UFC Fight Night”da Erik Nolanla qarşılaşacaq.
Hazırlıqlar davam edir: “Döyüşə az qalıb. Rəqibin kim olması fərq etmir. Mən öz döyüşümə fokuslanmışam. Rəqib təcrübəlidir, ayaqüstü üstündür, amma qələbəyə hazıram”.
İlk hədəfi UFC-yə düşmək olan Fərman indi çempion olmaq istəyir: “Addım-addım irəliləyəcəyəm. Oktaqonda rəqib fərq etmir”.
Xatırladaq ki, “UFC Fight Night” iyunun 27-də Milli Gimnastika Arenasında keçiriləcək. Əsas döyüşdə Rafael Fiziyev Manuel Torreslə qarşılaşacaq. Azərbaycanlı döyüşçülər Tahir Abdullayev, Nazim Sadıxov və Fərman Həsənov da çıxış edəcək.












