Dördqat dünya çempionu Maks Ferstappen növbəti mövsümdə yarışları tərk etməyəcəyini açıqladı.
Niderlandlı sürücü "De Telegraaf"a müsahibəsində bildirib: "Sözsüz ki, qalacağam. İnanılmaz bir şey baş verməzsə... Lakin bunu ehtimal etmirəm."
O, karyerasında qısamüddətli fasilə götürməyəcəyini vurğulayıb: "Dayansam, həmişəlik olar."
"Red Bull"la bağlı suala isə: "Tələsmirəm. Həyatımın sonunadək sadiq qalmaq istərdim", - deyə cavab verib.
Xatırladaq ki, mart ayında Ferstappen ayrılma ehtimalını dilə gətirmişdi.
