"UFC Fight Night Baku"da təntənəli çəkiölçmə və üz-üzə gəlmələr baş tutub.
Milli Gimnastika Arenasında keçirilən tədbirdə bütün idmançılar bir-biri ilə üz-üzə gəliblər.
Təntənəli çəkiölçmə UFC turnirlərinin ən emosional anlarından biridir. Burada döyüşçülər oktaqona çıxmazdan əvvəl son dəfə üz-üzə gəlir, baxışları və sözləri ilə gərginliyi artırırlar.
Tədbirin ən maraqlı anı azərbaycanlı Rafael Fiziyevin ana dilində azarkeşlərə səslənməsi oldu. O, "Sabah qələbə qazanacağam!" deyərək azarkeşlərini coşdurdu.
Xatırladaq ki, "UFC Fight Night" iyunun 27-də Milli Gimnastika Arenasında baş tutacaq. Əsas döyüşdə Fiziyev Manuel Torreslə qarşılaşacaq. İkinci əsas döyüşdə Şarabutdin Maqomedov Mişel Pereyra ilə döyüşəcək.
Turnirdə azərbaycanlı Tahir Abdullayev, Nazim Sadıxov və Fərman Həsənov da iştirak edəcək.
