"Formula-1"in dördqat çempionu Alen Prost İsveçrədəki evinə edilən basqın zamanı başından xəsarət alıb. Hadisə mayın 19-da səhər Nion şəhərində baş verib.
Maska geyinmiş şəxslər avtopilotun evinə daxil olublar. Prost əlbəyaxa dava zamanı kəllə-beyin travması alıb. Onun oğlu isə təhdid altında ailə seyfini açmağa məcbur edilib.
Oğurlananlar haqqında hələ məlumat yoxdur. Polis geniş araşdırma aparır, Fransadan da polis cəlb olunub.
Prost karyerasında 4 dəfə dünya çempionu olub. 1997-2001-ci illərdə öz komandasını idarə edib. Dəqiq strategiyasına görə "Professor" ləqəbini qazanıb.
