İtaliyanın məşhur "Gucci" moda evi Fransanın "Alpine" Formula 1 komandası ilə uzunmüddətli əməkdaşlıq müqaviləsi imzalayıb.
Razılaşmaya əsasən, 2027-ci ildən etibarən "Gucci" komandanın titul sponsoru olacaq. Komanda yeni adla - "Gucci Racing Alpine Formula One Team" kimi çıxış edəcək.
Hazırkı sponsor BWT-nin mavi-çəhrayı rəngləri əvəzinə "Gucci"nin korporativ rəngləri istifadə olunacaq. Həmçinin "Gucci Racing" layihəsi təqdim edilib, loqosu qara-qızılı rəngdədir.
Müqavilənin illik dəyəri 55-60 milyon dollar arasında qiymətləndirilir.
Qeyd edək ki, "Alpine" avtomobil yarışları ilə moda dünyası arasında əlaqə yeni deyil. 1986-cı ildə komanda "Benetton" markası tərəfindən satın alınmışdı. Həmin dövrdə Mixael Şumaxer komandada ilk uğurlarını qazanmışdı.
