"Mançester Siti"nin ulduz hücumçusu Erlinq Holandın "Real Madrid"ə keçidi ilə bağlı şayiələrə atası Alfi və agenti Rafaela Pimenta aydınlıq gətirib.
Oxu.Az xəbər verir ki, "Real Madrid" prezidentliyinə namizəd Enrike Rikelme seçiləcəyi təqdirdə norveçli forvardı komandaya cəlb edəcəyini iddia etmişdi.
Fabritsio Romanonun məlumatına görə, Pimenta və Alfi bu iddiaları təkzib edib: "Bütün bunlar çox gülməlidir, lakin həqiqəti əks etdirmir. Biz seçkidə hər iki namizədə uğurlar arzulayırıq."
