İngiltərə futbolu Premyer Liqanın yüksək tempi, fiziki gücü və taktiki zənginliyi ilə qızıl dövrünü yaşayır. Hər futbolçunun klubunda lider olması komandaya hücum potensialı və rotasiya genişliyi qazandırır. İntizamlı və hücumameyilli fəlsəfə ilə 'Üç aslan' turnirin favoritlərindəndir.
İngiltərə 60 illik çempionluq həsrətinə son qoymağı hədəfləyir. Son dəfə 1966-cı ildə, 'Uembli'də Qərbi Almaniyanı 4:2 məğlub edərək kuboku qaldırmışdır. O vaxtdan bəri 1990 və 2018-ci illərdə yarımfinala yüksəlmiş, beş dəfə dörddəbir finalda mübarizə aparmışdır. Son iki Avropa Çempionatında gümüş medallar qazanmışdır.
2024-cü ilin oktyabrında Tomas Tuhel milli komandanın baş məşqçisi təyin olunub. Alman mütəxəssis PSJ, 'Çelsi' və 'Bavariya' ilə titullar qazanıb. Tuhel 'Maynts'da başlayıb, 'Borussiya Dortmund'la uğurlara imza atıb.
İngiltərə DÇ-2022-də dörddəbir finalda Fransaya məğlub olmuşdu. Lakin DÇ-2026-da L qrupunda Qana, Xorvatiya və Panama ilə mübarizə aparacaq.
Qari Lineker 10 qolla DÇ-larda ən çox qol vuran ingilis oyunçusudur. Harri Keyn 8 qolla ikincidir. Piter Şilton 17 oyunla ən çox oyun keçirən ingilisdir.
İngiltərənin ən böyük qələbəsi DÇ-2018-də Panamaya qarşı 6:1 hesablı qələbədir. Unudulmaz anlar arasında 1966-cı il finalı, Bobbi Robsonun 27-ci saniyyədə vurduğu qol və DÇ-2018-də Kolumbiyaya qarşı penalti seriyası qələbəsi var.
