Kürasao millisi tarixə düşdü! 2026-cı il Dünya Kubokuna vəsiqə qazanan ən az əhaliyə malik ölkə olaraq Ginnesin Rekordlar Kitabına daxil oldu.
Oxu.Az-ın məlumatına görə, bu barədə Ginnes "X" sosial şəbəkəsində paylaşım edib. Sertifikat Kürasao Futbol Federasiyasının prezidenti Gilbert Martinaya təqdim olunub.
Karib dənizində yerləşən bu ölkənin əhalisi cəmi 156 115 nəfərdir. Bu, Dünya Kuboku final mərhələsinə yüksələn ən kiçik əhali göstəricisidir.
Kürasao millisi ilk dəfə Dünya Kubokuna qatılıb. Komanda E qrupunda Almaniya, Ekvador və Kot-d'İvuar ilə mübarizə aparır. İlk oyunda Almaniyaya 1:7 hesabı ilə məğlub olublar. Növbəti oyun iyunun 21-də Ekvadora qarşı olacaq.
